წესები და პირობები

ზოგადი დებულებები

წინამდებარე წესები და პირობები არეგულირებს Esale.ge-ის ვებგვერდის გამოყენებას, საიტზე განთავსებული პროდუქციის შეძენას, შეკვეთის გაფორმებას, გადახდასა და მიწოდებას.

Esale.ge-ზე შეკვეთის გაფორმებით მომხმარებელი ადასტურებს, რომ გაეცნო წინამდებარე წესებსა და პირობებს და ეთანხმება მათ.

პროდუქტები და ფასები

საიტზე განთავსებული პროდუქციის ფასები მითითებულია ლარში (GEL).

Esale.ge იტოვებს უფლებას, საჭიროების შემთხვევაში შეცვალოს პროდუქციის ფასი წინასწარი შეტყობინების გარეშე. თუმცა, უკვე დადასტურებული შეკვეთის შემთხვევაში, შეკვეთის დადასტურების მომენტში მოქმედი ფასი უცვლელი რჩება.

Esale.ge ცდილობს, საიტზე განთავსებული ინფორმაცია პროდუქციის, ფასებისა და ხელმისაწვდომობის შესახებ იყოს ზუსტი და განახლებული. ტექნიკური შეცდომის ან არასწორი ინფორმაციის აღმოჩენის შემთხვევაში მომხმარებელს ამის შესახებ ეცნობება შეკვეთის საბოლოო დადასტურებამდე.

შეკვეთა და გადახდა

შეკვეთის გაფორმება შესაძლებელია:

• Esale.ge-ის ვებგვერდის და სოფიალური ქსელების მეშვეობით;
• სატელეფონო კომუნიკაციის საშუალებით.

გადახდა შესაძლებელია შემდეგი მეთოდებით:

• ნაღდი ანგარიშსწორებით მიწოდებისას;
• საბანკო ბარათით, შესაბამისი გადახდის სერვისის არსებობის შემთხვევაში;
• განვადებით.

კონკრეტული პროდუქტისა და შეკვეთისთვის ხელმისაწვდომი გადახდის მეთოდი მომხმარებელს ეცნობება შეკვეთის გაფორმების პროცესში.

განვადება

განვადების მომსახურებას უზრუნველყოფენ Esale.ge-ის პარტნიორი საბანკო და საფინანსო დაწესებულებები:

• საქართველოს ბანკი;
• თიბისი ბანკი;
• კრედო ბანკი.

განვადების პირობები, საპროცენტო განაკვეთი, საკომისიო, განაცხადის შეფასების კრიტერიუმები, დამტკიცება ან უარყოფა და სხვა ფინანსური პირობები განისაზღვრება უშუალოდ შესაბამისი საბანკო ან საფინანსო დაწესებულების მიერ.

Esale.ge არ მონაწილეობს საკრედიტო გადაწყვეტილების მიღებაში და პასუხისმგებლობას არ აგებს განვადების განაცხადის დამტკიცებაზე ან უარყოფაზე.

მიწოდება

Esale.ge პროდუქციის მიწოდებას ახორციელებს საკუთარი ტრანსპორტით თბილისსა და საქართველოს რეგიონებში.

მიწოდების ვადა და ღირებულება დამოკიდებულია შეკვეთის მოცულობაზე, პროდუქციის ტიპსა და მიწოდების მისამართზე და მომხმარებელს ეცნობება შეკვეთის გაფორმების ან დადასტურების პროცესში.

მიწოდების ვადა შესაძლოა შეიცვალოს მომხმარებელთან შეთანხმებით ან ისეთი გარემოებების არსებობის შემთხვევაში, რომლებიც Esale.ge-ის კონტროლს არ ექვემდებარება.

შეკვეთის დადასტურება

შეკვეთა დადასტურებულად ითვლება მას შემდეგ, რაც Esale.ge მომხმარებელთან დაადასტურებს პროდუქტის ხელმისაწვდომობას, ფასს, მიწოდების პირობებსა და, საჭიროების შემთხვევაში, გადახდის მეთოდს.

თუ შეკვეთილი პროდუქტი აღარ არის ხელმისაწვდომი, მომხმარებელს ამის შესახებ ეცნობება და, შესაძლებლობის შემთხვევაში, შეთავაზებული იქნება ალტერნატიული პროდუქტი.

ინტელექტუალური საკუთრება

Esale.ge-ის ვებგვერდზე განთავსებული ტექსტები, ფოტოები, გრაფიკული მასალები, ლოგო, დიზაინის ელემენტები და სხვა შინაარსი წარმოადგენს Esale.ge-ის ან შესაბამისი უფლებამოსილი პირის საკუთრებას, გარდა იმ შემთხვევებისა, როდესაც პირდაპირ არის მითითებული სხვა რამ.

მათი სრულად ან ნაწილობრივ კოპირება, გავრცელება, კომერციული გამოყენება ან სხვა ფორმით გამოყენება Esale.ge-ის წინასწარი წერილობითი თანხმობის გარეშე დაუშვებელია, გარდა კანონმდებლობით პირდაპირ გათვალისწინებული შემთხვევებისა.

პასუხისმგებლობის შეზღუდვა

Esale.ge არ აგებს პასუხს შეკვეთის შესრულების ან მიწოდების შეფერხებაზე, თუ შეფერხება გამოწვეულია კომპანიისგან დამოუკიდებელი გარემოებებით, მათ შორის ფორსმაჟორით, ბუნებრივი მოვლენებით, ტრანსპორტირების შეფერხებით, ტექნიკური ხარვეზით ან სხვა ობიექტური მიზეზით.

ასეთ შემთხვევაში Esale.ge მომხმარებელს შესაძლებლობის ფარგლებში მიაწვდის ინფორმაციას შექმნილი ვითარებისა და შეკვეთის შესრულების შესაძლო ვადის შესახებ.

წესებსა და პირობებში ცვლილებები

Esale.ge უფლებამოსილია პერიოდულად განაახლოს ან შეცვალოს წინამდებარე წესები და პირობები.

განახლებული ვერსია ძალაში შედის ვებგვერდზე გამოქვეყნებისთანავე, თუ თავად დოკუმენტში სხვა რამ არ არის მითითებული.

დავების გადაწყვეტა

Esale.ge-სა და მომხმარებელს შორის წარმოშობილი ნებისმიერი დავის ან უთანხმოების შემთხვევაში მხარეები პირველ რიგში შეეცდებიან საკითხის მოლაპარაკებისა და ურთიერთშეთანხმების გზით გადაწყვეტას.

შეთანხმების მიუღწევლობის შემთხვევაში დავა გადაწყდება საქართველოს მოქმედი კანონმდებლობის შესაბამისად.

საკონტაქტო ინფორმაცია

Esale.ge
მისამართი: თბილისი, ფეიქართა ქუჩა №64
ტელეფონი: 577 24 84 04
ელფოსტა: esale.ge@yahoo.com

ბოლო განახლება: 2026 წლის აგვისტო